Ҳаџьымба Тамерлан Агузаров иҭаацәа дрыдашшылеит

© пресс-служба главы РСО-ААҩадатәи Уаԥстәыла-Аланиа Ахада Тамерлан Агузаров.
Аҩадатәи Уаԥстәыла-Аланиа Ахада Тамерлан Агузаров. - Sputnik Аҧсны
Анапаҵаҩра
НовостиTelegram
Аҩадатәи Уаԥстәыла-Аланиа Ахада Тамерлан Агузаров иԥсҭазаара дахьалҵыз инамаданы Аԥсны Ахада Рауль Ҳаџьымба Тамерлан Агузаров иҭаацәа дрыдашшыло агәалсратә телеграмма ишьҭит.

АҞӘА, жәабран 22 – Sputnik. Аҩадатәи Уаԥстәыла-Аланиа Ахада Тамерлан Агузаров иԥсҭазаара дахьалҵыз инамаданы Аԥсны Ахада Рауль Ҳаџьымба Тамерлан Агузаров иҭаацәа дрыдашшыло агәалсратә телеграмма ишьҭит. Абри атәы аанацҳауеит атәыла Ахада иофициалтә саит.

"Аԥсны ажәлари анапхгареи рыхьӡала сшәыдашшылоит. Агәалсра ду снаҭеит иаалырҟьаны Аҩадатәи Уаԥстәыла-Аланиа Ахада Тамерлан Агузаров иԥсҭазаара дахьалҵыз", ҳәа аҳәоит адашшыларатә телеграммаҟны.

"Тамерлан Ким-иԥа Аԥсны аҩызара зҭахны иҟаз уаҩԥсын. Тамерлан Ким-иԥа Агузаров ихьӡ лаша наӡаӡа иаанхашт ижәлар ргәаҟны. Иуадаҩу абри аамҭазы гәык-ԥсык ала шәгәырҩа шәыцеиҩысшоит", ҳәа аҳәоит анашьҭымҭаҟны.

Аҩадатәи Уаԥстәыла-Аланиа Ахада Тамерлан Агузаров иԥсҭазаара далҵит жәабран 19 рзы, Москва ахәышәтәырҭаҟны.

Ажәабжьқәа зегьы
0