Риҵатәи амҩа мызк ахы-аҵыхәала аремонт азухоит

© Sputnik Томас ТхайцукАӡиа Риҵа.
Аӡиа Риҵа. - Sputnik Аҧсны
Анапаҵаҩра
НовостиTelegram
Аԥсны Аминистрцәа Реилазаара азин ҟанаҵеит Риҵатәи амҩа аремонт амҩаԥгаразы, ареликттә милаҭтә парк акредит аиурц азы шасык аҳасабала ахы ианархәарц иамоу атехника

АҞӘА, жәабран 26 — Sputnik, Владимир Бегунов. Азакәан инақәыршәаны еиҭамҵуа амазара шасыс аҟаҵара ҟалом, убри азы апарк шасны иқәнаргылоит атракторқәеи егьи атехникеи Аԥсны Аҵәахырҭатә банк аҟны акредит аиуразы. Абри атәы ҳзаалыцҳаит Риҵатәи ареликттә милаҭтә парк адиректор Рита Лолуа.

Рита Лолуа лажәақәа рыла мчыбжьык ашьҭахь иаадыртуеит амҩа ацәаҳәақәа руак, мызк ашьҭахь иаартхоит амҩа зегьы.

"4-5 миллион рҟынӡа аԥара ҳҭахуп акаҭран аремонт азы. Ҵыԥх абри азы инаҳхит 6 миллионк. Сынтәа иаҳгәиҭоуп атоннельқәа ҩба рҟны акаҭран зынӡа аԥсахра, амҩагьы ахы инаркны аҵыхәанӡа аиҭарҽеира", — лҳәеит Лолуа.

Уи адагьы аремонт аҭахуп амҩаду Е-60 21-тәи акилометр. Ари еиҭах аҽа 6 миллионк артәоит.

"Анџьныр-геологтә лкаақәа азырхиоуп. Урҭ мҩаԥнагеит шәачатәи аинститут ”Инжзащита”. Адокументқәа 503 000 мааҭ иаԥсоуп. Аусурақәа ҳрылагахьеит", — лҳәоит Лолуа.

Лолуа лажәақәа рыла сынтәазы урыстәылантәи аргыларатә еилахәырақәа аармыԥхьарц рыгәҭакуп. Аҭыԥантәи афирмақәа рыхәԥсақәа акырӡа еиҵоуп, убри азы урҭ адыԥхьахалахоит аремонтусурақәа. Аусурақәа зегьы мшаԥымза алагамҭаз ихыркәшахароуп.

Ажәабжьқәа зегьы
0