Астадион аԥхасҭахара иаҿуп иахәҭоу аштат ахьыҟам иахҟьаны

Анапаҵаҩра
НовостиTelegram
Аҳҭнықалақь астадион "Динамо" аԥхасҭахара иаҿуп иара амаҵ ауразы иахәҭоу аштат ахьыҟам иахҟьаны, ҳәа аҳәамҭа ҟанаҵеит Аладатәи аргыларатә еилахәыра.

АҞӘА, хәажәкыра 1 — Sputnik, Роберт Џьапуа. Аҳҭнықалақь астадион "Динамо" аԥхасҭахара иаҿуп иара амаҵ ауразы иахәҭоу аштат ахьыҟам иахҟьаны, ҳәа аҳәамҭа ҟанаҵеит Аладатәи аргыларатә еилахәыра Апресс маҵзура.

"Ишдыру еиԥш аобиект акырҵуеит рхы иадырхәоижьҭеи. Араҟа имҩаԥысуеит аицлабрақәа, аҭыԥантәии арахь иаази акомандақәа рҽазыҟаҵарақәа, афитнес-клуб аус ауеит, имҩаԥысуеит аконцертқәа. Ус шакәугьы анапхгаратәи атехникатәи персонал еиҿкаам. Убри иахҟьоит аобиект аԥхасҭахара иахьаҿу", ҳәа аҳәоит аҳәамҭаҟны.

Апресс-маҵзураҟны иара убасгьы иазгәарҭеит астадион ахархәарахь ианрырҭаз аҭагылазаашьа аилахәыра асаит аҟны ишаныԥшуа.

Абри инадҳәаланы ЗҲӘА "Аладатәи аргыларатә еилахәыра" азыхиоуп астадион иамоу агхақәа ҵаҵӷәыркны рарбараан, аремонт азура.

Ажәабжьқәа зегьы
0