АҞӘА, хәажәкыра 2 – Sputnik. 131 тонна 768 кьыла амимоза Аԥсны аҳәаа иахыгоуп жәабранмза иалагӡаны, иҳәеит Аҳәынҭқарратә ҳазалхратә еилакы ахантәаҩы ихаҭыԥуаҩ Ушьангьи Кәыҵниа.
"Асезон макьанагьы ихыркәшаӡам. Сынтәа амимоза иара ианаамҭаз ишәҭит", — иҳәеит Ушьангьи Кәыҵниа.
Иара иажәақәа рыла амимоза аекспорт 2014 шықәса рзы иартәеит 162 тонна.
Аԥсныҟа амимоза алагалан 1860 шықәса рзы, алада-мрагыларатәи Азиантәи.
Амимоза еизыргоит амахәқәа ԥыҟҟаны, ашәҭқәа хыуҵәҵәар ауеит.
Амимоза (араӡны лакациа) Амшын Еиқәа иахьаԥну иазҳауеит. Ахьӡ иара аԥшшәы иадырҳәалоит.
