АҞӘА, хәажәкыра 12 – Sputnik. Аԥсни Урыстәылеи Адәныҟатәи аусқәа рминистррақәа рхаҭарнакцәа хәажәкыра 17-18 рзы Москва, ԥшьганктәи аиҿцәажәарақәа рхацыркра иалацәажәоит. Абри атәы ҳаиҳәеит Адәныҟатәи аусқәа рминистр Виачеслав Чрыгба.
Аинцидентқәа раԥырҟәҟәааразы Амеханизм аҳәаақәа ирҭагӡаны Гал араион аҟны аиԥыларақәа 2012 шықәса мшаԥымза аахыс имҩаԥымсыцт.
Чрыгба иажәақәа рыла иалацәажәараны иҟоуп Аԥсни Қырҭтәылеи рделегациақәа реилазаара. Аԥснытәи аган адҵа ҟанаҵоит аделегациа аилазаара шыҟац иаанхарц. Аиԥылараҟны иара убасгьы ирылацәажәараны иҟоуп Женеватәи аиҿцәажәарақәа рымшхәаԥштә азҵаара.
Иара иазгәеиҭеит ахҵәацәа рызҵаара цәырырганы ишыҟам.
"Арҭ аиԥыларақәа рҟны Қырҭтәыла иҟоу Аԥсны автономтә напхгара аҟазаара алыршахом" — иҳәеит Чрыгба.
2008 шықәса рзы Қырҭтәыла аруаа Аахыҵ Уаԥстәыла иақәлеит. Урыстәыла, ареспублика ауааԥсыра хьчо рыр аларгалеит. Урыстәыла иахьагьы ацхыраара анаҭоит аекономика аиҭашьақәыргылараҟны. Ацхыраара аиуеит Аԥсынгьы.
Аахыҵ Кавказ аҟны ашәарҭадареи аҭышәынтәалареи рзы Женеватәи аиҿцәажәарақәа мҩаԥысуеит 2008 шықәса жьҭаарамза аахыс. Иахьазы арҭ иароуп Аԥсни, Аахыҵ Уаԥстәылеи, Қырҭтәылеи рхаҭарнакцәа рзы иаку форматны иҟоу реиҿцәажәараҟны.
