Аԥсны раԥхьаӡа акәны Жәларбжьаратәи атурфорум иалахәхоит

© Фото : MITTЖәларбжьаратәи ацәыргақәҵа “Путешествия и туризм”.
Жәларбжьаратәи ацәыргақәҵа “Путешествия и туризм”. - Sputnik Аҧсны
Анапаҵаҩра
НовостиTelegram
Аԥсны атуристтә обиектқәа дырбахоит XXIII Москватәи жәларбжьаратәи ацәыргақәҵа “Путешествия и туризм” (MITT) аҟны.

АҞӘА, хәажәкыра 16 — Sputnik, Роберт Џьапуа. Раԥхьаӡа акәны Аԥсны атуристтә обиектқәа дырбахоит XXIII Москватәи жәларбжьаратәи ацәыргақәҵа “Путешествия и туризм” (MITT — Moscow International Travel & Tourism Exhibition) аҟны. Абри атәы ҳаиҳәеит Аԥсны акурортқәеи атуризми рзы аминистр ихаҭыԥуаҩ Асҭамыр Ахба.

Аминистр ихаҭыԥуаҩ иажәақәа рыла ацәыргақәҵахь инагахоит атуристтә бизнес знапы алаку ареспублика анаплакыҩцәа.

"Аминистрра раԥхьаӡа акәны асеиԥш иҟоу аплошьчадкақәа рахь ицәырҵуеит. Ацәыргақәҵахь инагахоит атуристтә бизнес знапы алаку ареспублика ҳнаплакыҩцәа. Дара ирылшоит аиҿцәажәарақәа рымҩаԥгара, аиқәшаҳаҭрақәеи аилаӡарақәеи рыбжьаҵара Аԥсны аҵакырадгьыл иахьаҵанакуа атуристтә аалыҵ амҩаԥгаразы", — иҳәеит Ахба.

Аԥсны ацәыргақәҵа ишалахәхо анрылаҳәаха ашьҭахь ареспублика иамоу атуристтә аалыҵ аинтерес шьҭыҵуа иалагеит.

"Иахьатәи аамҭазы Аԥсны иуднагалаша амоуп. Есааира ақалақьқәеи араионқәеи ринфраструктура еиӷьхоит. Ҳара иаҳҭахуп атуроператорцәеи атурагентцәеи ирызнаагарц иҟоу аиаша, инарҭбаау аинформациа", — иҳәеит аминистр ихаҭыԥуаҩ.

Аԥсны акурортқәеи атуризми рзы аминистр ихаҭыԥуаҩ Асҭамыр Ахба иазгәеиҭеит Москватәи жәларбжьаратәи ацәыргақәҵа “Путешествия и туризм” (MITT) иахьатәи аамҭазы Урыстәылеи ИАР атәылақәеи рҟны реиҳа инарҭбаау цәыргақәҵоуп ҳәа.

Москватәи жәларбжьаратәи ацәыргақәҵа “Путешествия и туризм” (MITT) мҩаԥысуеит хәажәкыра 23-26 рзы. Иара иалахәхараны иҟоуп адунеи атәылақәа 80. Ацәыргақәҵа “Путешествия и туризм” (MITT) адунеи иреиҳау ацәыргақәҵақәа хәба ирыҵаркуеит.

Ажәабжьқәа зегьы
0