Ашьапылампылтә чемпионат аепидемиологцәа ахылаԥшлоит

© Sputnik Томас ТхайцукАстадион "Динамо"
Астадион Динамо - Sputnik Аҧсны
Анапаҵаҩра
НовостиTelegram
Аԥсны Агәабзиарахьчара аминистрра ареспубликатә санитар-епидемиологиатә станциа афатә-ажәтә азҩыдаразы аҳақьым Татиана Торопова илҳәеит ачемпионат аобиектқәа асанитар-епидемиологиатә нормақәа иахьынӡарықәшәо агәаҭара мшаԥымза инаркны агәаҭара иалагоит ҳәа.

АҞӘА, хәажәкыра 18 — Sputnik, Бадраҟ Аҩӡба. Аԥсны Агәабзиарахьчара аминистрра ареспубликатә санитар-епидемиологиатә станциа афатә-ажәтә азҩыдаразы аҳақьым Татиана Торопова илҳәеит ашьапылампыл азы ConIFA Жәларбжьаратәи ачемпионат аобиектқәа асанитар-епидемиологиатә нормақәа иахьынӡарықәшәо агәаҭара мшаԥымза инаркны агәаҭара иалагоит ҳәа.

"Арахь иаараны иҟоуп еиуеиԥшым атәылақәа рҟынтәи акомандақәа. Ҳара ҳмаҵзура ахылаԥшра ҟанаҵоит урҭ рынхашьа, рчашьа рганахьала. Астадион иаакәыршаны акрыфарҭатә обиектқәа ҟалоит, ҳаргьы ҳәарада урҭ рҭагылазаашьа ҳахылаԥшлоит", — лҳәеит лара.

Торопова лажәақәа рыла дара ахылаԥшуеит ауаа рацәа ахьеизо иҟоу акрыфарҭа ҭыԥқәагьы.

"Есымза еизаагоит адыррақәа асанитартә нормақәа рықәныҟәашьазы. Аилагарақәа аҭыԥ рыманы иҟазар, азин ҳамоуп урҭ аилагарақәа ахьыҟалаз аобиектқәа раркра", — лҳәеит лара.

Лара дазааҭгылеит акрыфарачарҭақәа робиектқәа ргәаҭара ахыԥхьаӡара аиҵатәра урҭ русураҟны иҟалар зылшо аилагарақәа раарԥшра иаԥырхагахоит ҳәа.

"Акрыфарачарҭақәа робиектқәа шықәсык ахь знык ргәаҭара азхоны иҟам. Уаанӡа агәаҭарақәа еиҳа лассы-лассы имҩаԥаагон. Еиҳа хылаԥшра раҳҭон. Уи адагьы асанитартә нормақәа реилагаразы иҟоу ахараԥса 1200 мааҭ артәоит. Ари уарччоит", — лҳәоит аҳақьым.

Лара убасгьы далацәажәеит русура шаруадаҩуа акадырқәа рыҟамзаара, аулафахәы амаҷра, амаҵзуратә автомашьына амамзаара.

Ажәабжьқәа зегьы
0