АҞӘА, хәажәкыра 21 — Sputnik, Асҭанда Арӡынԥҳа. Гәылрыԥшьтәи ауҭраҭыхҵәахырҭа иахьа ҩ-процентк рылоуп аус шауа. Инагӡаны алшарақәа раарԥшра аналшо аконсервтә зауад анаартхалак ауп, рҳәеит Ақыҭанхамҩа аминистрраҟны. Уаҟа иазырыԥхьаӡоит иара арендла аҭара алшоит арендагаҩ уаҟа аконсервтә зауад иргылозар ҳәа.
Аҽа жәалагалақәак Ақыҭанхамҩа аминистрраҟны иалацәажәом, иҳәеит аминистр.
"Ҳара ҳзацәажәаз арендаторцәа зегьы ареекспорт рнапы алакуп, Қырҭтәыла, Ҭырқәтәыла рҟынтәи атауар ааганы арантәи Урыстәылаҟа ииаргоит. Сара уи саҿагылаҩуп", — иҳәеит Ешба.
Гәылрыԥшьтәи ауҭраҭыхҵәахырҭа иахьа ҩ-процентк рылоуп аус шауа. Инагӡаны алшарақәа раарԥшра аналшо аконсервтә зауад анаартхалак ауп ҳәа иазиԥхьаӡоит аминистр.
"Ҳара иҳалшон ацитрусқәа рыҵәахра, аха ауааԥсыра рҟны иааҳхәо атауар еилыхтәуп. Абзиа аҭира иаагашт, аха иузымҭиуа иазутәузеи? Иахьааго ҳамам", — иҳәоит аминистр.
Ҵыԥх 10 тоннак рҟынӡа амандарина карыжьит, сынтәа – 7 тоннак рҟынӡа. Аконсервтә зауад ыҟазҭгьы урҭ зегьы ахархәарахь инашьҭхон.
Азауад сыргылоит ҳәа зҳәо арендагаҩгьы дыҟам.
"Миллионла аԥара ақәхарџьуп, арахь иара ус игылоуп. Аҽакы хырхарҭас иазыԥшаатәуп", — иҳәеит Гәылрыԥшь араион ауааԥсыра рԥылараан Рауль Ҳаџьымбагьы.
Иахьатәи аамҭазы аобиект хашәала аанаго иҟам.
