АҞӘА, хәажәкыра 24 — Sputnik, Саид Барганџьиа. Аԥшьаша, хәажәкыра 24 рзы Аԥсны Аԥыза-министр Артур Амқәаб "Аԥсныавтомҩа" аколлектив дыдирдырит анапхгаҩ ҿыц, Борис Ачба. Ари аҭыԥ аҟны иара диԥсахит Леонид Лолуа.
Аминистрцәа Реилазаара апресс-маҵзура ишаанацҳаз ала Лолуа ихаҭа аҳәара ҟаиҵеит имаҵура шьҭеиҵаразы.
"Лолуа иҭаххеит тәанчара дцарц, аамҭа еиҳа ирацәаны иҭаацәа ирыдиҵарц", — рҳәеит апресс-маҵзураҟны.
Аԥыза-министр анапхгаҩ ҿыц изеиӷьеишьеит иусураҟны ақәҿиарақәа.
Борис Ачба ҩышықәса инарзынаԥшуа аус иуан Аҳәынҭеилакы адиректор хада ихаҭыԥуаҩыс. Абри атәгьы ҳарҳәеит атәыла Аминистрцәа Реилазаараҟны.
