АҞӘА, мшаԥымза 1 — Sputnik, Асҭанда Арӡынԥҳа. 2016 шықәса мшаԥымза 1 инаркны амчра аиуит Аԥсны азхазымҵац атәымҳәынҭқаррақәа ртәылауаа рзы авизатә режим амчра аиуит. Абри атәы ҳарҳәеит Аԥсны Адәныҟатәи аусқәа рминистрра Аконсултә маҵзураҟны.
"Аконсултә маҵзура иахьа инаркны ихацнаркит аҿыцрақәа ирыҵаркуа атәылақәа ртәылауаа авизақәа рыҭара. Шьыжьы инаркны ауаа рацәаны иаҳҭааит. Аиҳарак дара – Украина, Беларусиа, Ермантәыла ртәылауаа роуп. Ҳара иҟоу аҭагылазаашьа реилҳаркаауеит", — лҳәеит амаҵзура азанааҭуаҩ Вероника Џьапуаԥҳа.
Лара иазгәалҭеит Аԥсныҟа ааразы азин уоур шауа аконсултә маҵзура аелектронтә адрес ала иахәҭоу адокументқәа ааушьҭыр. Урҭ аус рыдулара 7-мшы рҟынӡа аҭахуп.
"Иахьазы авизақәа роура алшоит Аҟәа, Сахаров имҩа, 33 аҟны. Визада атәымтәылауаҩ Аԥсны аҵакырадгьыл ааныжьра азин имам", — лҳәеит Џьапуаԥҳа.
Лара лажәақәа рыла иазыԥхьагәаҭоуп аушьҭырҭатә пункт "Ԥсоу" аҟны авизақәа рыҭарагьы.
