АҞӘА, мшаԥымза 5 — Sputnik. "Аҧсны Аҳәынҭқарраҟны ауаҩы изинқәа рзы Амчнаӡа змоу изы" Аҧсны Аҳәынҭқарра Азакәан амч аиура инамаданы, Аҧсны Ахада Рауль Ҳаџьымба Иусҧҟала 2016 шықәса лаҵарамза 4 инаркны иаҧыххоит Аҧсны Ахада иҟны ауаҩы изинқәа рзы Амчнаӡа змоу имаҵура. Абри атәы аанацҳауеит атәыла Ахада иофициалтә саит.
Абри инамаданы атәыла Ахада Иусҧҟала Гьаргь Анатоли-иҧа Оҭырба Аҧсны Аҳәынҭқарра Ахада иҟны ауаҩы изинқәа рзы Амчнаӡа змоу имаҵураҟнытә ихы дақәиҭтәуп 2016 шықәса лаҵарамза 4 инаркны.
Иара убас атәыла Ахада Идҵала Дмитри Зураб-иҧа Маршьан ихы дақәиҭтәуп Аҧсны Аҳәынҭқарра Ахада иҟны ауаҩы изинқәа рзы Амчнаӡа змоу ицхырааҩ имаҵураҟнытә.
"Аҧсны Аҳәынҭқарраҟны ауаҩы изинқәа рзы Амчнаӡа змоу изы" Аҧсны Аҳәынҭқарра Азакәан ҿыц инақәыршәаны Аҧсны Аҳәынҭқарра Ахада иҟны ауаҩы изинқәа рзы Амчнаӡа змоу икандидатура нашьҭхар алшоит Апарламент адепутатцәа ргәыԥ аҟнытә.
