АҞӘА, мшаԥымза 5 — Sputnik. Амаҵзура Sputnik афотокорреспондент Алексеи Филлипов жәларбжьаратәи афотожурналистика аконкурс China International Press Photo Contest (CHIPP) аҟны ахԥатәи аҭыԥ ааникылеит "Аспорт жәабыжьқәа" (Sports news) аноминациаҟны.
2015 шықәса рзы Москва имҩаԥысуаз аҳәеилышьразы адунеи ачемпионат аҟны иҟаҵоуп аԥыжәара згаз афоторепортаж. Аҭыхымҭақәа рҟны иарбоуп италиатәи аспортсменка Мартина Батини, урыстәылатәи аспортсменка Инна Дериглазова, Арианна Ерриго (Италиа), Софиа Великаиа (Урыстәыла), Анна Мартон (Венгриа) уҳәа егьырҭгьы. China International Press Photo Contest (CHIPP) ари есышықәсатәи фотоконкурсуп, афотожурналистцәа китаитәи реилазаара иаԥнаҵеит. Араҟа адунеи зегь аҟынтәи афотожурналистцәеи афотоҭыхыҩцәеи русумҭақәа ықәдыргылоит, ргәаанагарақәа еибырҳәоит, еиныруеит. Sputnik Images – жәларбжьаратәи аинформациатә маҵзуреи арадио Sputnik иафотобанкуп, иҵәахырҭоуп.
Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит.
Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.
