Астудентцәа Ашьха Ҟарабах аҭыгалазаашьа иалацәажәон

© Sputnik Анжелика Бения Мшаԥымза ааба рзы Аҟәа имҩаԥысит оn-line конференциа.
Мшаԥымза ааба рзы Аҟәа имҩаԥысит оn-line конференциа. - Sputnik Аҧсны
Анапаҵаҩра
НовостиTelegram
Аԥсни, Приднестровиеи, Аахыҵ Уаԥстәылеи, Арцахи руниверситетқәа алацәажәеит имҩаԥгоу аусқәеи иҟарҵараны иҟоуи, мшаԥымза ааба рзы Аҟәа имҩаԥысыз оn-line конференциаҟны.

АҞӘА, мшаԥымза 11 – Sputnik, Анжелика Бениаԥҳа. Аԥсни, Приднестровиеи, Аахыҵ Уаԥстәылеи, Арцахи руниверситетқәа алацәажәеит имҩаԥгоу аусқәеи иҟарҵараны иҟоуи, мшаԥымза ааба рзы Аҟәа имҩаԥысыз оn-line конференциаҟны. Аконференциа иатема хаданы иҟан Ашьха Ҟарабах иҟоу аҭыгалазаашьа.

Аконференциа хацыркхеит минуҭктәи аҿымҭрала, аиҿагылара иахҟьаны иҭахаз ргәалашәаразы.

"Ҳуниверситетқәа рышьақәгылареи рыҿиареи мҩаԥысуеит аекстремалтә ҭагылазаашьа ыҟоуп ҳәа уҳәартә ианыҟоу аамҭазы. Иахьатәи аиҿагыларақәа Арцахтәи аҳәынҭқарратә университет аусура анырра арҭеит", — иҳәеит ихьыԥшым аҳәынҭқаррақәа руниверситетқәа Рассоциациа апрезидент Степан Берил, аконференциа аартуа.

Аԥснытәи Аҳәынҭқарратә университет аректор Алеко Гәарамиа иҳәеит агәрагара шимоу ассоциациа аусура аҳәынҭқаррабжьаратә еизыҟазаашьақәа рырҿиарагьы иахәарҭахоит ҳәа.

"Ассоциациа имҩаԥнаго аусурақәа ҳҳәынҭқаррақәа рыҿиара иацхраауеит, аинырра еиҳа иманшәаланы иаҳнаҭоит", — иҳәеит иара.

Арцахтәи аҳәынҭқарратә университет аректор Мануш Миносиан лажәахә алагамҭаз иазгәалҭеит аибашьра иҟоу аҭагылазаашьа уалызго акәны ишыҟам. Аимак адипломатиатә ҭышәныртәалара аиуроуп лҳәеит лара.

Аимадара ауадаҩрагьы рԥырхагамкәа ауниверситетқәа ԥшьба рхаҭарнакцәа рпроблемақәа ирылацәажәеит, рԥышәа еимырдеит.

ААУ аректор иажәақәа рыла ари оn-line конференциа раԥхьатәи акәым. Ихьыԥшым аҳәынҭқаррақәа руниверситетқәа Рассоциациа аԥҵан 2007 шықәса рзы.

Ажәабжьқәа зегьы
0