АҞӘА, мшаԥымза 11 — Sputnik. Бриуссельтәи атерактқәа мҩаԥигеит ҳәа ззы агәыҩбара ыҟоу Мохаммед Абрини иҳәеит Бриуссель аԥжәарақәа мҩаԥызгаз хықәкны ирымаз Париж акәын, аха Салах Абдесалам изкны аусҭҵаарақәа иласны рымҩаԥгара рыгәҭакқәа аԥсахит ҳәа
Уаанӡа апрокуратураҟны ирҳәахьан хәҩык атеррористцәа аанкылоуп. Урҭ рыгәҭа иҟоуп Мохаммед Абринии Осама Краеми.
"Афедералтә прокуратура ишьақәнарӷәӷәоит атеррористтә гәыԥ Париж шакәу атеррористтә актқәа мҩаԥнагараны иахьыҟаз. Урҭ ргәы иаанагомызт ашьаусҭҵаарақәа абасеиԥш ирласны алҵшәақәа аадырԥшып ҳәа", азгәаҭоуп апрокуратура акоммиунике аҟны.
Хәажәкыра ҩеижәиҩба рзы, ашьыжь бриуссель ақалақь аҟны аԥжәарақәа ҩба ҟалеит. Ахԥатәи насшәа, астанциа "Мальбек" аҟны. Аԥжәарақәа ирыхҟьаны иҭахеит 35-ҩык ауааԥсыра, ахәрақәа роуит 340-ҩык.
