Ҵнариа: Аҟәатәи абааҟны ақьафурҭа иаҭыԥым

© Sputnik / Томас ТхайцукАрхеолог Игорь Ҵнариа.
Археолог Игорь Ҵнариа. - Sputnik Аҧсны
Анапаҵаҩра
Аԥсны аҭоурыхтә-культуратә ҭынха ахьчареи ахархәареи ирзырхо апроблемақәа ирызкыз анаукатә-практикатә конференциа аатит Аҟәа.

АҞӘА, мшаԥымза 22 – Sputnik, Астанда Арӡынԥҳа. Аԥсны аҭоурых-культуратә ҭынха ахьчареи ахархәареи ирзырхо апроблемақәа ирызкыз анаукатә-практикатә конференциа аатит Аҟәа.

Аҭоурыхтә-культуратә ҭынха ахьчара Адепартамент амацара иалшом абаҟақәа реиқәырхара апроблемақәа раԥыхра, иҳәеит аконференциаҟны археолог Игорь Ҵнариа.

Иара иажәақәа рыла абаҟақәа реиқәырхара усны ирымазароуп аҵарауаа, ауаажәларратә усзуҩцәа, амчратә структурақәа.

Иара иажәахә аҟны иазгәеиҭеит ҳала ишабо хәы змам абаҟақәа аԥхасҭахара ишаҿу. Абраҟа иара дазааҭгылеит аҟәатәи абааҟны аресторан аартра аӡбахә. Иазгәеиҭеит уи иара зынӡак дшадымгыло.

Аҭоурыхтә-культуратә ҭынха ахьчара иазку афорум аатит Аҟәа

2011 шықәса рзы Аԥсны аҭоурыхтә-культуратә усбарҭеи Аилак "Абхазскаиа Ривиереи" ирыбжьарҵеит аиқәшаҳаҭра. Уи инақәыршәаны 49 шықәса аобиект (ажәытәтәи аресторан "Диоскуриа") ахархәара азин ҟалон.

Аилак "Абхазская Ривьера" ахаҭарнакцәа Акультура аминистррахь ажәалагала ҟарҵеит аиқәшаҳаҭра аԥсахрақәа алагалазарц.

Акультура аминистрра аиқәшаҳаҭра аҿҳәара ацҵара мап ацәыркит. Абри атәы лҳәеит акультура аминистр Ельвира Арсалиаԥҳа аминистрраҟны иҟоу анаукатә-методикатә хеилак аилатәараҟны.

Ауаажәларра рхаҭарнакцәа абри аус аганахьала ашәҟәы рҩит Акультура аминистр лыхьӡала, нас — атәыла Ахадеи Аԥыза-министри рахь аҭоурыхтә баҟа ахаҿра амырӡразы.

Жәларбжьаратәи анаукатә-практикатә конференциа "Аԥсны архитектуратә баҟақәа ркультуратә еиуеиԥшымзаареи адәныҟатәи афакторқәа урҭ ишырныруеи" мҩаԥысуеит Аҟәа.

Анаукатә форум мҩаԥысраны иҟоуп мшаԥымза 21 — 23 рзы.

Ажәабжьқәа зегьы
0