АҞӘА, мшаԥымза 25 — Sputnik, Анжелика Бениаԥҳа. Аԥхынразы ҽнак абжьара ҽнак аныҟәара иалагоит аанҿасырҭа ҟазымҵо адәыӷба Пскови Аҟәеи еимыздо, абри атәы ҳзааицҳаит Ареспубликатә унитартә наплакы "Аԥснытәи аихамҩақәа" ахада ихаҭыԥуаҩ Игорь Маан.
Адәыӷба амаршрут Псков–Аҟәа иныҟәалоит апасаџьыртә дәыӷба № 479/480 Санкт-Петербург – Аҟәа иацны.
"Ҳара даара ҳгәы иаахәоит Аԥсны аԥсшьаразы иаҭаауа аҭыԥкәа рхыԥхьаӡараҿы еиҳа аларҵәара ахьаиуа, Псков инхо ауааԥсыра аԥхьа иргыланы. Ари адырра ааигәоуп ианҳауз. Акы ма ҩба авагонқәа Санкт-Петербург–Аҟәа адәыӷба иацҵазаауеит", — иҳәеит Маан.
Аанҿасырҭадатәи авагон Псков-Аҟәа аԥхынтәи аамҭазоуп ианныҟәало Псковнтәи лаҵарамза 27 инаркны. Аҟәантәи идәықәлалоит: лаҵарамза 30 рзы, рашәарамза 1 инаркны ԥхынгәымза 31 аҟынӡа еиҩшо арыцхәқәа рзы иныҟәалоит, нанҳәамза 5 инаркны 31-нӡа еиҩымшо арыцхәқәа рзы, иара убас цәыббрамза 2 рызгьы.
Аанҿасырҭадатәи авагонқәа Псков-Аҟәа 2015 шықәсазгьы иныҟәон аихамҩатә реис Санкт-Петербург-Аҟәа иацны.
