Аԥснытәи аспортсменцәа аҵахеит

© Sputnik / Михаил Мокрушин / Амедиаҵәахырҭахь аиасраАрхивтә фото.
Архивтә фото. - Sputnik Аҧсны
Анапаҵаҩра
Аԥснытәи аспортсменцәа Шәача имҩаԥысуа ақәыԥшцәа Адунеизегьтәи рыхәмаррақәа рҟны Азербаиџьантәи акоманда ирыцыхәмарит.

АҞӘА, мшаԥымза 25— Sputnik, Бадри Есиава. Аԥснытәи аспортсменцәа Шәача имҩаԥысуа ақәыԥшцәа Адунеизегьтәи рыхәмаррақәа рҟны Азербаиџьантәи анапылампалтә команда ирыцыхәмарит, иагьаҵахеит 2:0 ҳәа. Абри атәы ҳкорреспондент изаалыцҳаит Аԥснытәи аделегациа анапхгаҩы Татиана Емхааԥҳа.

"Раԥхьатәи ахәмарраҟны ҳаспортсменцәа аҵахеит. Аха ҳаԥхьаҟа еиҭа ԥшьымш ыҟоуп", — лҳәеит Емхааԥҳа.

13-15 шықәса зхыҵуа Аԥснытәи аспортсменцәа жәаҩык ҳтәыла ахьӡала иқәгылоит Шәача ақалақь аҟны.

Шәача имҩаԥысуа ақәыԥшцәа Адунеизегьтәи рыхәмаррақәа рҟны ацеремониа аартраан аицлабрақәа реиҿкааҩцәеи рлахәылацәеи Аџьынџьтәылатә Еибашьра Дуӡӡа аибашьцәа рбаҟа аҿаԥхьа ашәҭшьыҵәрақәа шьҭарҵеит.

Ахәмаррақәа рлахәылацәа нхоит аолимпиатә қалақь аҟны.

Сынтәа ахәмаррақәа азкуп ИАР (СНГ) ашьаҭаркра 25 шықәса ахыҵра. 600-ҩык инареиҳаны алахәылацәа еизеит 45-тәыла рҟынтәи. Аицлабрақәа хацыркхеит мшаԥымза 24 рзы.

Ажәабжьқәа зегьы
0