АҞӘА, лаҵарамза 12 — Sputnik, Бадраҟ Аҩӡба. Аҳҭнықалақь агәҭан игылоу апоет ибаҟахьы инеиит Баграт Шьынқәба дыргәаладыршәарц атәыла Ахада, Ахада ихаҭыԥуаҩ, аиҳабыра алахәылацәа, Аԥсны ашәҟәыҩҩцәеи апоетцәеи, ашколхәыҷқәа, астудентцәа, ауаажәларра рхаҭарнакцәа. Абри атәы аҭыԥ аҟынтәи иааицҳаит ҳкорреспондент.
"Баграт Шьынқәба еицырдыруа поетуп, прозаикуп, аԥсуа литература аҟны ада анҭыҵгьы. Ажәа азҟаза ду ирҿиамҭақәа аԥсуа жәлар рдоуҳатә культура иазаанхоит хәы змам ракәны. Анцәа ду ажәа заҭәеишьаз иакәны дыҟан", — иҳәоит алитератураҭҵааҩ Владимир Агрба.
Ашәҭшьыҵәрақәа рышьҭаҵара ашьҭахь ирыԥхьан апоет иажәеинраалақәа иара убасгьы иара изкны иҩу ажәеинраалақәа.
