АҞӘА, лаҵарамза 18 – Sputnik, Бадраҟ Аҩӡба. Аԥснытәи аспортсмен қәыԥш Илиа Дочиа 12-13 шықәса зхыҵуаз рыбжьара Аладатәи Афедералтә округ аҟны карате кекусинкаи азы аиндаҭларақәа рҿы аиааира игеит. Абри атәы аанацҳаит Аҟәа ақалақь Ахадара аҿари аспорти рзы Аилак.
"Аиндаҭларақәа рыӡбаҩцәа ирылахәын Аԥснытәи аӡбаҩцәагьы: Георги Дочиеи Ҭимур Ҷыҭанааи", иҳәеит аспортсменцәа ртренер Витали Ҷыҭанаа.
Аиндаҭлара аихшьаалақәа рыла аԥсуа каратистцәа ԥшьҩык араӡын медалқәа роуит: Сергеи Дочиа, Инал Ԥарцхалиа, Лера Џьалаӷаниа, Ариана Куржиева.
Артур Азанов, Сабина Кәарҷиа, Наур Аџьынџьал, Алан Аџьынџьал ахԥатәи аҭыԥқәа ааныркылеит.
Илья Дочия
© Фото : Виталий Читанава
