Арсалиаԥҳа: амузеиқәа - хәызмаӡам аинформациа аиуразы ихыҵхырҭоуп

© Sputnik Томас ТхайцукАԥсны акультура министр Ельвира Арсалиаԥҳа
Аԥсны акультура министр Ельвира Арсалиаԥҳа - Sputnik Аҧсны
Анапаҵаҩра
НовостиTelegram
Жәларбжьаратәи амузеи амш аҽны Аԥсны акультура министр Ельвира Арсалиаԥҳа дазааҭгылеит Аҳәынҭқарра аргылараҿ амузеиқәа рҵакы. Есышықәса лаҵара 18 рзы адунеиаҟны Жәларбжьаратәи амузеи амш азгәарҭоит.

АҞӘА, лаҵарамза 18 — Sputnik, Рада Ажьиԥҳа. Жәларбжьаратәи амузеи амш аҽны Аԥсны акультуреи аҭоурыхтә-культуратә ҭынха ахьчареи рминистр Ельвира Арсалиаԥҳа акорреспондент илзеиҭалҳәеит Аҳәынҭқарра аргылараҿ амузеиқәа рҵакы.

Аԥсны рапҳьатәи ахада Владислав Арӡынба ихьӡ зху Ахьӡ-аԥша амузеи аусуҩ Лиудмила Лазԥҳа. - Sputnik Аҧсны
Лазԥҳа: аҵараҵара мацара акәым иара зегьы рзы аинтерес иман

"Иуадаҩуп амузеиқәа рҵакы ахәшьара аҭара, ҳара ҳҭоурых аиқәырхаразы амузеиқәа ирыҵаркуа рацәоуп. Ҳара амузеи аусура иазкны иҳамоуп азакәан, уи шықәсқәак уажәаԥхьа ирыдкылан. Уажәы, Аԥсны акультура аминистрра аҟны ҳгәы иҭоуп амузеи аус адырҩцәа рхеидкыла аиҿкаара. Акультура аҿиараҿы иаҭахуп иаку амузеиқәа рышәҟәынҵа, уаҟа ианылоит амузеиқәа рыҟны иҳамоу афонд", — ҳәа лҳәеит Аԥсны акультуреи аҭоурыхтә-культуратә ҭынха ахьчареи рминистр Ельвира Арсалиаԥҳа.

Ельвира Арсалиаԥҳа лажәақәа рыла, амузеиқәа рыҟны ишьҭоуп хәызмаӡам аекспонатқәа.

"Аԥсны аҳәынҭқарратә музеи аҵәахырҭаҟны иуникалтәу аекспонатқәа шьҭоуп. Иара 2017 шықәсазы 100 шықәса ахыҵуеит, ари арыцхә азгәаҭараз азырхиара ҳаҿуп аныҳәатә усныгӡатәқәа рыплан. Уажәазы аҳәынҭқарратә музеи аофициалтә саит аус адулара напы аркуп, иара убас ааигәа аусура иалагеит Д. Гәлиа ихьӡ зху амузеи аофициалтә саит, уахь иадрыԥхьалоит амузеи аус адызулаша аҿара", — ҳәа ацылҵеит аминистр.

Владислав Арӡынба ихьӡ зху "Ахьӡ-аԥша" амузеи ишқәыԥшугьы, азгәалҭеит Арсалиаԥҳа, инанагӡоу аус ҳаракуп.

"Шықәсык инахыҳәҳәо иахыҵуеит Владислав Арӡынба ихьӡ зху "Ахьӡ-аԥша" амузеи, иара шқәыԥшугьы амузеи анапхгареи аусуҩцәеи ирылшеит активла аныҳәақәа рымҩапгара. Еиуеиԥшым агәаларшәаратә рыцхәқәа ирыдҳәалоу зегьы уаҟа имҩаԥаагоит. Ари амузеи аҵакы харакуп аҿар рааӡараҿы, аҭоурых аиқәырхаразы", ҳәа лҳәеит Аԥсны акультуреи аҭоурыхтә-культуратә ҭынха ахьчареи рминистр Ельвира Арсалиаԥҳа.

Иааидкылан амузеиқәа хәызмаӡам аинформациа аиураз ихыҵхырҭоуп.

"Амузеи — акультуратә хәышҭаара, институтк аҳасабала хәызмаӡам аинформациа аиуразы ихыҵхырҭоуп ҿыц експозициак, ҿыц аартрак, иҿыцу маҭәарк амузеи аҟны ицәырҵзар уи аинформациа унаҭоит, аинтерес аҵалоит, убри аҟынтә акультуратә ҭынха аҳасабала амузеиқәа рыхьчареи рҭаареи хымԥадатәины иҟалароуп", — ҳәа азгәалҭеит аминистр Арсалиаԥҳа.

Диана Ахԥҳа. - Sputnik Аҧсны
Аԥсуа хәмарга культуратә ҭынхак аҳасабала

Амузеи ари культуратә хәышҭаароуп, араҟа иҵәахуп ажәлар знысыз аҭоурыхтә етапқәа ртәы еиҭазҳәо аекспонатқәа. Ашәышықәсақәа ирҭынхоуп: хәызмам асахьақәа реизга, абзазара атәы зҳәо амаҭәарқәа, аскульптурақәа, ашәҟәқәа уҳәа ирацәаны. Амузеиқәа рекспонатқәа зегьы ажәлар ирмалуп.

Есышықәса лаҵара 18 рзы адунеи аҟны Жәларбжьаратәи амузеи амш азгәарҭоит. 1978 шықәса инаркны уи аныҳәа азгәарҭо иалагеит 150 тәыла рыҟны. Ари аныҳәа аҳәаақәа ирҭагӡаны имҩаԥыргоит еиуеиԥшым ауснагӡатәқәа, урҭ ируакуп "Аҵх амузеи аҟны", мамзаргьы "Амузеитә аҵх".  Ари ауха амузеиқәа аус руеит уахгьы-ҽынгьы, ма аҵх агәанынӡа.

"Аҵх амузеи аҟны" раԥхьаӡа иазгәарҭеит Европа, Урыстәыла аиԥш зеиԥшу аныҳәа мҩаԥыргеит 2002 шықәсазы Красноиарск ақалақь аҟны, 2007 шықәсазы Москва, анаҩсан егьырҭ ақалақьқәа рыҟны.

2015 шықәса раахыс Аԥсны ихацыркын, атәыла амузеиқәа рыҟны  "Аҵх амузеи аҟны" захьӡу акциа амҩаԥгара.


Ажәабжьқәа зегьы
0