АҞӘА, лаҵарамза 30 – Sputnik, Владимир Бегунов. Сомалиленд акоманда амбахьчаҩы Гагратәи араионтә хәышәтәырҭахь днаргеит.
Уажәы уа аҽыхәышәтәра даҿуп, иҳәеит ахәышәтәырҭа аҳақьым хада Виачеслав Аргәын.
Сомалиленд ахәмарыҩ Абду Мухаммеда-Мухаммуд иажәақәа рыла амбахьчаҩ ишьапы ԥҵәам, ажьышәқәа еиҵыҵит ауп.
Абри аҽны адунеи ачемпионат ConIFA аҳәаақәа ирҭагӡаны еицыхәмаруан Лапландиеи Сомалиленди ркомандақәа. Ахәмарраан 4:0 ҳәа Лапландиа аиааира агеит.
