Sputnik арабтәи атәылақәа рҟны аҟазаара еизнарҳауеит

© Sputnik / Алексей Даничев / Амедиаҵәахырҭахь аиасраSputnik.
Sputnik. - Sputnik Аҧсны
Анапаҵаҩра
НовостиTelegram
"Ҳара еснагь иалаҳхуа ҳпартниорцәа ржурналистика ахаҭабзиареи аҩаӡареи ҳрызхьаԥшуеит. Агәра зхоит арабтәи атәылақәа рҟынтәи ҳколлегацәеи ҳареи аинырра бзиа ҳауп ҳәа", - иҳәеит МИА "Россия сегодня" адиректор хада Дмитри Киселев.

АҞӘА, рашәарамза 7 — Sputnik. Аинформациатә мацзуреи арадио Sputnik анапы аҵанаҩит аиқәшаҳаҭра ливантәи амедиоҳа Al Mayadeen TV шьамтәылатәи аинформациатә амаҵзура SANA аусеицуразы.

Анапаҵаҩра мҩаԥысит Москва, жәларбжьаратәи амедиофорум "Новая эпоха журналистики: прощание с мейнстримом" аҳәаақәа ирҭагӡаны. Анапаҵаҩра рхы аладырхәит МИА "Россия сегодня" адиректор хада Дмитри Киселеви Al Mayadeen TV адиректор Гассан Бен Джеддоуи SANA адиректор хада Ахмад Давеи.

Al Mayadeen TV (http://www.almayadeen.net/) — азеиԥш арабтә информациатә холдингуп. Ишьақәгылоуп араби аиспани абызшәақәа рыла ицәажәо ателехәаԥшратә канали араби аиспани абызшәақәа рыла аус зуа адокументалтә кинои аинформациатә маҵзуреи рстудиа ала. Ахолдинг Аштаб-квартира Бейрут иҟоуп.

Архивтә фото. - Sputnik Аҧсны
Sputnik афотокорреспондент ADME PHOTO AWARDS 2016 аҟны даиааиит

SANA (http://sana.sy) — иҳәынҭқарратәу шьамтәылатәи аинформациатә маҵзуроуп. Ишьаҭаркын 1965 шықәса рзы. Амаҵзура иамоуп аофисқәа шьамтәылатәи апровинциақәа 14 рҟнеиԥш Бейрут, Париж, Москва, Амман, Тегеран, Кувейт, Каир, Трипол, Рим, Анкара. 43 –ҩык акорреспондентцәа аус руеит егьырҭ арабтәи атәылақәеи аҳәаанырцәи рҟны. Амаҵзура есыҽны иҭнажьуеит 500 жәабыжь: арабтәи, англызтәи, афранцызтәи, аиспантәи, аурыс, аҭырқәа бызшәақәа рыла. Аштаб —квартира Дамаск иҟоуп.

Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит.

Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.

Ажәабжьқәа зегьы
0