Ҳагәыш: ҳара иҳадыз закәытә ҭакԥхықәраз аадыруан

© Sputnik / Илона ХварцкияАԥснытәи акоманда акапитан Анри Ҳагәыш.
Аԥснытәи акоманда акапитан Анри Ҳагәыш. - Sputnik Аҧсны
Анапаҵаҩра
НовостиTelegram
Амультимедиатә центр Sputnik Аԥсны аҟны имҩаԥысит апресс-конференциа, адунеи ачемпионат ConIFA аихшьаалақәа ирызкыз.

АҞӘА, рашәарамза 8 – Sputnik, Бадраҟ Аҩӡба. Аԥснытәи акоманда ахәмарыҩцәа рыҩны ихәмаруан. Уи дара ирыдыз аҭакԥхықәра еиҳагьы иацнаҵон, иҳәеит акоманда акапитан Анри Ҳагәыш апресс-конференциаан.

"Аҽаџьара уаныхәмаруа, уи зынӡа аҽакуп. Ара ахәаԥшыҩцәа зегьы уара уоуп иззыԥшуа. Акоманда ариаҟара адгылара анамоу ахәмаррагьы еиҳа имариоуп", — иҳәеит иара.

Аԥсны акоманда агәыԥ "А" иалан. Аԥхьатәи рыхәмарраан 9:0 ҳәа Чагостәи акоманда иаиааиит. Уи ашьҭахь изцыхәмаруаз Мраҭашәаратәи Ермантәыла акоманда иаиааиит 1:0 ҳәа. Лапландиеи Аԥсни ркомандақәа рыхәмарра — 2:0 ҳәа ихыркәшахеит.

Рфиналтә хәмарраан Пенџьабтәи акоманда иаиааины атурнир иачемпионцәахеит.

Ажәабжьқәа зегьы
0