Лыхнытәи асахьаҭыхыҩ ацәыргақәҵатә зал иргылоит

© Sputnik Роберт ДжопуаЛыхнытәи асахьаҭыхыҩ Адгәыр Ԥлиа.
Лыхнытәи асахьаҭыхыҩ Адгәыр Ԥлиа. - Sputnik Аҧсны
Анапаҵаҩра
НовостиTelegram
Лыхнытәи асахьаҭыхыҩ Адгәыр Ԥлиа ацәыргақәҵатә зал аргылара игәҭакуп.

АҞӘА, рашәарамза 10 – Sputnik, Роберт Џьапуа. Лыхнытәи асахьаҭыхыҩ Адгәыр Ԥлиа ацәыргақәҵатә зал аргылара игәҭакуп.

"Исыгәҭакуп сашҭаҟны ацәыргақәҵатә зали аҟазарҭеи рыргылара. Уаҟа ицәыргахоит сара сусумҭақәеи сҩызцәа русумҭақәеи. Иара убасгьы сгәы иҭоуп ахәыҷтәы студиа аартра", — иҳәеит Ԥлиа.

Асахьаҭыхыҩ иазгәеиҭоит азал изҭаху дарбанызаалак изы ашәқәа шаартхо.

"Дарбанызаалак изҭаху, дхәыҷума-ддуума, дсасума-даԥшәымоума ацәыргақәҵатә зал даҭаар илшоит", — иҳәоит иара.

Ахәыҷтәы сахьақәа рцәыргақәҵа аартуп Гагра - Sputnik Аҧсны
Ахәыҷтәы сахьақәа рцәыргақәҵа аартуп Гагра

Иара иажәақәа рыла аидеиа хәышықәса раԥхьа изцәырҵит.

"Апроект схы иҭагьыжьуан. Ачертиожқәеи аескизқәеи ҟасҵон. Уаанӡагьы салагар сҭахын аха афинанстә проблемақәа рацәан", — иҳәоит иара.

Мызки бжаки раԥхьа аусурақәа хациркит. Уажәазы иҩагоуп аихатәы каркас.

Мызкала ахыркәшара илшап ҳәа дгәыӷуеит. Аԥара сызхар зегь маншәалахоит иҳәоит иара.

"Сгәы иҭоуп ԥхынгәы алагамҭаз ахыркәшара. Аԥара сызхар. Џьара аӡәы дсыцхраарц иҭаххаргьы мап сҳәом", — иазгәеиҭоит асахьаҭыхыҩ.

Ажәабжьқәа зегьы
0