АҞӘА, рашәарамза 13 – Sputnik. Рауль Ҳаџьымба Москва имҩаԥигараны дыҟоуп аиԥыларақәа жәпакы,аиԥылара мҩаԥысраны иҟоуп Урыстәыла иҟоу Аԥсны Ацҳаражәырҭаҟынгьы, иара убасгьы даҭаараны дыҟоуп конкур азы аиндаҭлара "Кубок Абхазии". Абри атәы аанацҳауеит Атәыла Ахада иофициалтә саит.
Рашәарамза 11 рзы Ҳаџьымба даҭааит Урыстәыла Ахада ихраҿа агаразы имҩаԥысуаз аҽырыҩра. Аҽырыҩра иалахәуп Аԥсны ахьӡала иқәгылоу аҽыҩқәагьы.
"Асеиԥш иҟоу ауснагӡатәқәа аҽрылархәуа Аԥсны аспорт аҟны ахы ӡырнагоит. Иахьа, Москватәи аипподром аҟны Аԥсны абираҟ ахьышәыршәыруагьы иамоу аҵакы дууп", ҳәа Рауль Ҳаџьымба иажәақәа еиҭаҳәоуп асаит аҟны.
