АҞӘА, рашәарамза 15 –Sputnik, Саид Барганџьиа. Аҳәынҭеилакы "Аԥсныҟәарахьчара" адиректор Константин Ҭарба еиҭеиҳәеит Очамчыра араион Кәтол ақыҭан аӡиас Дӷамшь аҟны аиҭашьақәыргыларатә усурақәа шцо атәы. Иара игәаанагарала урҭ хыркәшахоит ҩымш рыҩныҵҟа.
Ҭарба иажәақәа рыла аӡиас ашьҭра аԥсахит, убри инадҳәаланы абаласт дамбаҟны хыџьара иԥжәеит.
"80 рҟынӡа нхарҭа аӡы рыҵалеит. Бжьымш рыҩныҵҟа ҳара аремонт рзаауит 100, 80, 70 метра иҟаз аучасткақәа. Адамба аҳаракыра ф-метрак иҟоуп. Аҭбаара хә-метрак. Аусурақәа ҩымш рыла ихҳаркәшоит» — иҳәеит Ҭарба.
Аусурақәа ирылаган рашәарамза 9 рзы.
