Гагратәи ахәыҷбаҳчақәа рахь иалаҵоу арзаҳалқәа ирыхәаԥшуп

© Sputnik / Саида ЖьиԥҳаГагратәи ахәыҷбаҳчақәа рахь иалаҵоу арзаҳалқәа ирыхәаԥшуп
Гагратәи ахәыҷбаҳчақәа рахь иалаҵоу арзаҳалқәа ирыхәаԥшуп - Sputnik Аҧсны
Анапаҵаҩра
НовостиTelegram
Акомиссиа ҷыда еилатәаны Гагратәи ахәыҷбаҳчақәа рахь иалаҵоу 275 арзаҳал иахәаԥшит.

АҞӘА, рашәарамза 15 — Sputnik, Саида Жьиԥҳа. Гагра араион аҵара аҟәшахьы аҭаацәа рыхшара ахәыҷбаҳчақәа "Амреи" "Мрамзеи" иаднакыларц азы иаларҵаз арзаҳалқәа ирыхәаԥшит ахәыҷбаҳчақәа рҭаацәаратә еилазаара ахаҭарнакцәеи араионтә Еизара адепутатцәеи аҵара аҟәша аспециалистцәеи рыла ишьақәгылаз акомиссиа.

Акомиссиа ахантәаҩы, араион аҵара аҟәша аиҳабы Беслан Дбар иазгәеиҭеит, 89 ҭыԥ рахь иалаҵоу арзаҳалқәа рхыԥхьаӡара 275 шыҟоу.

Аҭаацәа агәынамӡарақәа рызцәырымҵырц азы, ҩышықәса раахижьҭеи араион ажурналистцәа алархәны акомиссиа алахәцәа арзаҳалқәа ирыхәаԥшуеит.

"Раԥхьа иргыланы ахәыҷбаҳчахь иахыԥхьаӡалахоит, аибашьра аветеранцәа рыхшара. Ишыжәдыруа еиԥш, урҭ есааира рышықәсқәа цоит, сынтәа дара рхәыҷқәа хҩык хымԥада ахәыҷбаҳча иахыԥхьаӡалахоит. Иара убас альготқәа рымоуп ахшара рацәа ахьыҟоу аҭаацәарақәа, ахәыҷы зхала дзааӡо иарзаҳал адгылара аҭахоит, анаҩс аҵара-ааӡаратә ус знапы алаку рыхшара", — ҳәа инаҵшьны иазгәеиҭеит, Гагра араион аҵара аҟәша аиҳабы Беслан Дбар.

Хымԥада ақалақь аҟны ирацәаҩуп, аԥсадгьыл иазааԥсахьоу, амаҵ азызухьо аҭаацәарақәа, урҭ рарзаҳалқәагьы хыхь еиқәыԥхьаӡоу рышьҭахь хырҩа аҭахоит.

Ихымԥадатәиуп, зегь раԥхьа арзаҳалқәа алазҵаз арыхәаԥшрагьы.

Пицундеи Бзыԥҭеи Цандрыԥшьи иҟоу ахәыҷбаҳчақәа рахь иалаҵоу арзаҳалқәагьы, акомиссиа аилатәарала иахәаԥшуеит.

Ажәабжьқәа зегьы
0