АҞӘА, рашәарамза 16 – Sputnik. Лиллтәи астадион аҟны ихыркәшахеит Урыстәылеи Словакиеи ркомандақәа рыхәмарра. 2:1 ҳәа словакиатәи ахәмарыҩцәа аиааира ргеит. Sputnik ауаажәларратә еиҿкаара "Россия любит футбол" алахәыла Анна аҽлымаданы илазҵааит Лилл иҟоу аҭагылазаашьа азы.
"Астадион ахь инеиуа ирхылаԥшуеит. Ашәарҭадаратә кардонқәа урхысны зиагара ҟамло маҭәарк аиагара уадаҩын", — лҳәоит лара.
Ахәмарра ашьҭахь астадион иаарласны иҭацәит. Урыстәылаа рсектор аҟны иаразнак ахәаԥшыҩцәа еимпит. Словакиа рсектор акәзар агәырӷьабжь ахыҩуан.
"Ҳахәмарыҩцәеи ҳахәаԥшыҩцәеи ргәалаҟазаара ҳаракымызт, аха ари адагьы ахәмаррақәа ҟалоит. Аиааирагьы ҳазыԥшуп", — лҳәеит Анна.
