Женева иалацәажәеит аԥсуа-қырҭуа ҳәааҟны аҭыԥ змаз ахҭыс

© Фото : Тенго ТарбаИмҩаԥысит Женеватәи Жәларбжьаратәи аилацәажәарақәа 36-тәи рраунд.
Имҩаԥысит Женеватәи Жәларбжьаратәи аилацәажәарақәа 36-тәи рраунд. - Sputnik Аҧсны
Анапаҵаҩра
Yandex newsTelegram
Рашәарамза 14 - 15 рзы Женева имҩаԥысит Аахыҵ Кавказ аҟны аҭынчреи ашәарҭадареи рзы Жәларбжьаратәи аилацәажәарақәа 36-тәи рраунд.

АҞӘА, рашәарамза 16 – Sputnik. Рашәарамза 14 — 15 рзы Женева имҩаԥысит Аахыҵ Кавказ аҟны аҭынчреи ашәарҭадареи рзы Жәларбжьаратәи аилацәажәарақәа 36-тәи рраунд. Уаҟа иалацәажәан 2016 шықәса, лаҵарамзазы аԥсуа-ақырҭуа ҳәааҟны аҭыԥ змаз атрагедиатә хҭыс, ҳәа аанацҳауеит АААР (МИД) аинформациа аҟәша.

"Аԥсуа ган иҟалаз ахҳәаа аҭо иазгәарҭеит абри аус аганахьала Аԥсны Аҳәынҭқарра Арратә прокуратура аусура ишаҿу. Аԥсуа ган аҳәара ҟарҵеит ақырҭуа ган ахҭыс аполитикатә ҟазшьа арымҭарц азы", ҳәа аҳәоит адырраҟны.

Актәии аҩбатәии аусутә гәыԥқәа русураан аԥсуа ган иазгәанаҭеит 2016 шықәса рашәарамзазы ООН Ассамблеиа хада ахҵәацәа рзы иҟанаҵаз арезолиуциа зынӡаск ишзаднамкыло.

Аминистрцәа реилазаара. - Sputnik Аҧсны
Гал имҩаԥысит 36-тәи аиԥылара

Аԥсны ахаҭарнакцәа иазгәарҭеит америкатәи аган, ООН аштаб-квартира иара аҵакырадгьыл аҟны иахьыҟоу ахы иархәаны ишьақәгылоу жәларбжьаратәи анормақәа еилаганы, Аԥсны Аҳәынҭқарра аофициалтә хаҿқәа алаларатә визақәа рнаҭом ҳәа. Уи ала урҭ Ассамблеиа хада аҟынӡа ирызнагом иобиективу аинформациа, ҳәа азгәанаҭоит АААР (МИД).

Уаанӡа, Аԥсны Аҳәынҭқарра Адәныҟатәи аусқәа рминистрра ЕАШ (США) Аҳәынҭдепартамент афактқәа еиланахәоит, Аԥсны иҟоу аполитикатә ҭагылазаашьа зынӡаскгьы иаздырӡом ҳәа аҳәамҭа ҟанаҵеит.

Ари аҳәамҭа мзызны иаиуит ЕАШ (США) Аҳәынҭдепартамент 2015 шықәса рзы адунеи аҟны ауаҩытәыҩса изинқәа рыхьчара иазкны иҟанаҵаз ажәахә аҟны Аԥсни Аахыҵ Уаԥстәылеи Қырҭтәыла "асепаратисттә" регионқәа ҳәа ахьрызнаҳәаз.

Аԥснытәи аделегациа напхгара аиҭон Адәныҟатәи аусқәа рминистр Виачеслав Чрыгба, аминистрра аусзуҩцәа: Лаша Аҩӡба, Денис Оҭырба, Иракли Ҭыжәба, Ҭенгьиз Ҭарба.

Настәи аиҿцәажәарақәа рраунд мҩаԥысраны иҟоуп жьҭаара 4-5 рзы.

Ажәабжьқәа зегьы
0