АҞӘА, рашәарамза 16 — Sputnik. Швеицариатәи апарламент хыхьтәи апалатаҿ адепутатцәа рыбжьы рҭиит Евроеидгыла алаларазы 1992 шықәса рзы инашьҭыз азыҳәа шьҭахьҟа аргьыжьразы. Абри атәы аанацҳауеит РИА Новости, Neue Zürcher Zeitung адыррақәа ҵаҵӷәыс иҟаҵаны.
Адепутатцәа реиҳараҩык азыҳәа шьҭахьҟа аргьыжьра иадгылеит. Уи азы рыбжьы рҭиит 27 адепутатцәа.
Ари аӡбра асимвол ҟазшьа амоуп, избанзар атәылаҟны имҩаԥгаз ареферендум аан атәыла ауааԥсыра Швеицариа Евроеидгыла алалара мап ацәыркит.
