АҞӘА, рашәарамза 17 – Sputnik. Аԥсны Адәныҟатәи аусқәа рминистрраҟнытә иаарыцҳаит раԥхьаӡа акәны Рим иаадыртраны ишыҟоу Аԥсны акультура аинститут. Аусмҩаԥгатә мҩаԥысраны иҟоуп ахәаша, рашәарамза 17 рзы, Рим.
Аартра ацеремониа иалахәхоит Аԥсны Адәныҟатәи аусқәа рминистр Виачеслав Чрыгба, аминистр ихаҭыԥуаҩ Кан Таниа, АААР (МИД) аинформациа аҟәша аиҳаббы Ҭенгьиз Ҭарба. Иара убасгьы имҩаԥысран иҟоуп апресс-конференциа, Рим иҟоу Ассоциациа “Европа-Абхазиа” аофис аартра.
Уи адагьы иӡыргахоит ескварталтәи агазеҭ “Абхазия сегодня” актәи аномер.
Ауснагӡатә ахь инаԥхьоуп Италиа иҟоу Урыстәыла, Венесуела, Никарагуа рыцҳаражәҳәаҩцәа.
