Хьыбла Гьерзмааԥҳа V Жәларбжьаратәи амузыкатә фестиваль далахәхоит

© Фото : Facebook: Hibla GerzmavaУрыстәылеи Аԥсни жәлар рартистка, "Урыстәыла ахьтәы сопрано" ҳәа ахьӡ занашьо Хьыбла Гьерзмааԥҳа.
Урыстәылеи Аԥсни жәлар рартистка, Урыстәыла ахьтәы сопрано ҳәа ахьӡ занашьо Хьыбла Гьерзмааԥҳа. - Sputnik Аҧсны
Анапаҵаҩра
НовостиTelegram
Урыстәылеи Аԥсни жәлар рартистка, "Урыстәыла ахьтәы сопрано" ҳәа ахьӡ занашьо Хьыбла Гьерзмааԥҳа лхы алалырхәуеит Азиа-Аокеанҭынчтәи арегион атәылақәа V Жәларбжьаратәи рмузыкатә фестиваль. Афестиваль мҩаԥысуеит рашәарамза 23 - 27 рзы, Красноиарск.

АҞӘА, рашәарамза 23 — Sputnik. Урыстәылеи Аԥсни жәлар рартистка, "Урыстәыла ахьтәы сопрано" ҳәа ахьӡ занашьо Хьыбла Гьерзмааԥҳа лхы алалырхәуеит Азиа-Аокеанҭынчтәи арегион атәылақәа V Жәларбжьаратәи рмузыкатә фестиваль. Афестиваль мҩаԥысуеит рашәарамза 23 — 27 рзы, Красноиарск.

Красноиарск хәымш рыҩныҵҟа Азиа-Аокеанҭынчтәи арегион атәылақәа V Жәларбжьаратәи рмузыкатә фестиваль иамҩаԥгарҭахоит. Арахь иааираны иҟоуп 300-ҩык рҟынӡа артистцәа еиуеиԥшым атәылақәа рҟынтәи. Абри атәы аалыцҳаит афестиваль апресс-маҵзура ахаҭарнак Наталиа Федорова.

Актәи афестиваль мҩаԥган 1992 шықәса рзы, аҩбатәи – 1995 шықәса рзы. Ахԥатәи — 2012 шықәса рзы, аԥшьбатәи —2014 шықәса рзы.

"Афестиваль мҩаԥысуеит рашәарамза 23 — 27 рзы, Красноиарск. 18 тәыла рхаҭарнакцәа алахәхоит. Имҩаԥгахоит 42 рҟынӡа уснагӡатә", — лҳәеит лара.

Афестиваль апрограмма далахәхоит Урыстәылеи Аԥсни жәлар рартистка, "Урыстәыла ахьтәы сопрано" ҳәа ахьӡ занашьо Хьыбла Гьерзмааԥҳа. Лара иналыгӡараны дыҟоуп Легар, Кальман, Штраус рариақәа, аџьазтә композициақәа.

Аконцерт мҩаԥысраны иҟоуп рашәарамза 25 рзы, Красноиарск Амш аҽны.

Ажәабжьқәа зегьы
0