АҞӘА, рашәарамза 24 – Sputnik, Роберт Џьапуа. Отаԥ ақыҭан Кьылашәыртәи аҭӡы ахыжәжәарақәа рҭагыллазаашьа ибеит Аԥсны акультуреи аҭоурых-культуратә ҭынхақәа рыхьчареи рминистр лхаҭыԥуаҩ Баҭал Кобахьиа.
"Ҳара ҳзы акраҵанакуеит абри аобиект ахылаԥшра бзиа аиурц. Ҳара аблаҷыц еиԥш иҳахьчалароуп аҭоурых-культуратә ҭынхақәа. Иахьынӡаздыруа аҭӡамц ажцра ахыҵәаны иҟан, уажәы еиҳа напы адкылоуп", — иҳәеит иара.
Отаԥ ақыҭан Кьылашәыртәи аҭӡы ахыжәжәарақәа рҟны аинформациатә ӷәы кыдырҵараны иҟоуп. Уа иарбахоит аҭӡы иаазыркьаҿу аҭоурых. Абри атәы иҳәеит аминистр лхаҭыԥуаҩ.
Иара убасгьы иазгәеиҭеит 2015 шықәса рзы раԥхьаӡа акәны Аԥсны акультуратә ҭынхақәа робиектқәа инвентаризациа рзуразы аԥаразоужьра шымҩаԥгаз.
Кьылашәыртәи аҭӡамц Кавказ зегь аҟны инареиҳау обиектуп. Ҽыхьчаратә ргылароуп. Аԥсуа ҭӡы ду аӡиас Кьылашәыр инаркны ашьхара иқәланы Игры аӡиас амшын иахьалало аҟынӡа инаӡоит.
Аура 160 километра инаӡоит.
