АҞӘА, рашәарамза 29 — Sputnik, Бадраҟ Аҩӡба. Аԥсны Адәныҟатәи аусқәа рминистрраҟны имҩаԥысит апресс-конференциа, изаамҭанытәины имҩаԥысыз Женеватәи аилацәажәарақәа реихшьаалақәа ирызкни Италиа иаартыз акультуратә центр иазкни. Амцаԥшьхәаҷа аҿагылара ацҵаразы швеицариантәи азанааҭуаҩ даараны дыҟоуп, иҳәеит аминистр апресс-конференциаан.
"Амцаԥшьхәаҷа еиҭах аҿиара иалагеит. Германиа аԥара азоунажьит ашыцҵлақәа реиқәырхаразы ихымԥадатәиу ахәшә азы. Ус шакәугьы ашоура иахҟьаны ахәаҷа аиҭаҿиара иалагеит. Аиҳаракгьы риҵатәи аиҩхааҟны. Ҳгәыӷуеит ҳекологцәа уи аиааира рылшап ҳәа", — иҳәеит Чрыгба.
Амцаԥшьхәаҷа Аԥсныҟа иқәнагалеит 2012 шықәса рзы Шәачантәи, Аолимпиада амҩаԥгараан.
Изаамҭанытәиу Аахыҵ Кавказ аҟны ашәарҭадареи аҭышәынтәалареи ирызку Женеватәи жәларбжьаратәи аилацәажәарақәа рраунд мҩаԥысит рашәарамза 14 — 15 рзы.
