АҞӘА, рашәарамза 29 – Sputnik, Саид Барганџьиа. Гагреи Гәдоуҭеи рраионқәа рҟны апрофилактикатә усурақәа инарыдҳәаланы ԥхынгәы ҩбанӡа афымцалашара дырцәалоит. Абри атәы аанацҳаит "Амшынеиқәафымцамч" апресс-маҵзура.
Апресс-маҵзураҟны иазгәарҭеит афымца шдырцәало ашьыжь асааҭ ԥшьба инаркны быжьбанӡа.
"Ҳара апрофилактикатә усурақәа мҩаԥаагалоит. Афымцацәаҳәақәа ҳрыцқьоит. Аамҭа убасеиԥш иалаҳхит, ауаа рацәак анырра рнамҭартә", — рҳәеит апресс-маҵзураҟны.
Инарҭбаау анформациа шәаԥхьар шәылшоит АУН "Амшынеиқәафымцамч" аофициалтә саит аҟны.
