Аԥхынтәи алагер "Алашарбага" аусура иацнаҵоит

© Sputnik / Алексей Мальгавко / Амедиаҵәахырҭахь аиасраАрхивтә фото.
Архивтә фото. - Sputnik Аҧсны
Анапаҵаҩра
НовостиTelegram
Аҟәа ақалақь Аҵара аусбарҭа аиҳабы Лиудмила Адлеиԥҳа Sputnik иазеиҭалҳәеит ахәыҷтәы лагер "Алашарбага" аусура атәы.

АҞӘА, ԥхынгәы 5 – Sputnik, Бадраҟ Аҩӡба. Аԥхынтәи ахәыҷтәы лагер "Алашарбага" аҩбатәи апаток ахь адкылара хыркәшахеит, лҳәеит Аҟәа ақалақь Аҵара аусбарҭа аиҳабы Лиудмила Адлеиԥҳа Sputnik акорреспоондент диҿцәажәо.

"Акыр шықәса ҵуеит Аҟәа ақалақь Ахадара еиҿнакаауеижьҭеи ахәыҷтәы лагер. Иара еиҿкаауп 12-тәи абжьаратәи ашкол ахыбраҟны. Алагер "Алашарбага" ахьӡуп", — лҳәеит лара.

Адлеиԥҳа лажәақәа рыла алагер х-потокны аус ауеит. Хәба-хәба гәыԥ рыла еиҿкаауп, иааидкыланы потокк аан рыԥсы ршьоит 120-ҩык рҟынӡа ахәыҷқәа.

"Алагер хәыда-ԥсадоуп. Аиҳарак арахь ирыдыркылоит ахшара рацәа змоу аҭаацәа рҟынтәи ахәыҷқәа. Ашьыжь асааҭ жәба инаркны ахәылбыҽха асааҭ фба рҟынӡа аус ауеит. Шьыжьхьа, шььыбжьхьа, уаххьа азыԥхьагәаҭоуп", ҳәа азгәалҭеит аусбарҭа аиҳабы.

Аусбарҭа аиҳабы лажәақәа рыла аԥхынтәи алагер аусура иадыԥхьалоуп ААУ апедогогикатә факультет астудентцәа. Урҭ ааӡаҩцәа ирыцхраауеит. Алагер аиҿкааразы иныхын миллионки бжаки рҟынӡа аԥара.

Ажәабжьқәа зегьы
0