Жәларбжьаратәи афестиваль "Солнечный круг" Гәдоуҭа имҩаԥысуеит

© Foto / Сырма АшәԥҳаГәдоуҭа ақалақь аҿы имҩаԥысуеит Урыстәылатәи ацирктә академиа злахәу 6-тәи жәларбжьаратәи афестиваль "Солнечный круг".
Гәдоуҭа ақалақь аҿы имҩаԥысуеит Урыстәылатәи ацирктә академиа злахәу 6-тәи жәларбжьаратәи афестиваль Солнечный круг. - Sputnik Аҧсны
Анапаҵаҩра
Гәдоуҭа ақалақь акультуратә хан аҿы имҩаԥысуеит Урыстәылатәи ацирктә академиа злахәу 6-тәи жәларбжьаратәи афестиваль "Солнечный круг".

АҞӘА, ԥхынгәы 5 — Sputnik, Сырма Ашәԥҳа. Гәдоуҭа ақалақь акультуратә хан аҿы имҩаԥысуеит Урыстәылатәи ацирктә академиа злахәу 6-тәи жәларбжьаратәи афестиваль "Солнечный круг". Абар, уажәшьҭа хынтәуп ас еиԥш зыҩаӡара ҳараку афестиваль Аԥсны иазгәарҭоижьҭеи. Уи иалахәуп ахореографиеи ацирки рҟны абаҩхатәра злоу аҿар. Хымш имҩаԥысуа жәларбжьаратәи афестиваль рхы аладырхәуеит Аԥснытәи ахореографиатә коллективқәагьы.

"Аҿар злахәу афестиваль ауаҩы агәырӷьара инамҭар ҟалаӡом. Уи агеографиатә мҽхакы ҭбаа амоуп. Ацирк иалахәуп хәышықәса инаркны 15-16 шықәса зхыҵуа ахәыҷқәа, аҿар. Аԥсны иҳамаӡам ацирк ахырхаҭала аномерқәа. Ацирк еснагь ахәаԥшцәа аднаԥхьалоит. Ахәыҷқәа ракәзар, агәыбылра днаркуеит. Хымԥада, ас еиԥш иҟоу акультуратә усмҩаԥгатәқәа лассы-лассы еиҿкаалатәуп. Афестиваль адгылара анаҭеит Гәдоуҭа ақалақь администрациа, иара убас "Жәларбжьаратәи афонд Аԥсны". Сара хаҭала агәахәа ду сзыннажьит сызхәаԥшыз ақәгыларақәа. Иалахәу зегь ақәҿиарақәа рзеиӷьасшьарц сҭахәуп. Ари ныҳәоуп", — ҳәа азгәеиҭеит Нугзар Логәуа. 

Жәларбжьаратәи афестиваль "Солнечный круг"  Аԥсны имҩаԥысуеит хымш. Уаҵәы иазгәаҭоуп агала-концерт. Ахәаԥшра агәаҳәара змоу зегьы аҭаарц рылшоит Гәдоуҭатәи акультуратә хан. 

 

Ажәабжьқәа зегьы
0