Апрокуратура хада аҭыԥ змаз азинеилагарақәа ҭнаҵаауеит

© Sputnik / Томас ТхайцукАпрокуратура хада аҭыԥ змаз азинеилагарақәа ҭнаҵаауеит
Апрокуратура хада аҭыԥ змаз азинеилагарақәа ҭнаҵаауеит - Sputnik Аҧсны
Анапаҵаҩра
НовостиTelegram
Аԥсны аоппозициатә мчрақәа реизара мҩаԥысит Аҟәа. Аизара астихиатә митинг ахь ииасит, аҭыԥ рымоуп азинеилагарақәа.

АҞӘА, ԥхынгәы 6 — Sputnik, Бадри Есиава. Аҩныҵҟатәи аусқәа рминистрра аҿаԥхьа имҩаԥысыз амитинги уаҟа аҭыԥ змаз азинеилагарақәеи рганахьала аусҭҵаара нап анаркит Аԥсны Апрокуратура хада. Аха ашьаус макьаназы ихацыркым ҳәа азгәеиҭеит Апрокурор хада Алексеи Ломиа.

"Ашықәс ҿыц аахыс аусура иалагаз ашьауӷатә кодекс иаҳнаҭоит алшара ашьаус хацыркхаанӡа аҭҵаарақәа нап рылакра. Аусҭҵааратә гәыԥ аусура иалагеит амитинг аҟны еизаз анеимыҵ ашьҭахь", — иҳәеит Ломиа.

Иара иажәақәа рыла аҭыԥаҟны авидеокамерақәа рҿы аҭаҩрақәа ахархәара рырҭоит, аԥхасҭа иҟоу ахә ршьоит. Аусахь иаҵанакуеит аинтернеттә саитқәа рахь иҭагалоу аҭыхымҭақәагьы.

"Ҳара аминистрра анапхгара аҳәара раҳҭеит азинеиҿкаараз ҭакԥхықәра змаз аусзуҩцәа арапортқәа аздырхиарц. Абарҭ аусурақәа зегьы реихшьаалақәа рыла ишьақәыргылахоит иҟаз-шыҟаз", — иҳәеит Ломиа.

Аоппозициа аганахьала еизаз дҵаны иқәдыргылон Аҩныҵҟатәи аусқәа рминистр Леонид Ӡаԥшьба имаҵура дамхзарци зыҿҳәара иахыԥахьоу апаспортқәа рыла абжьыҭира азин ҟарҵарци.

Убри инацҵаны дҵаны иқәдыргылон Урыстәыла аҵакырадгьыл аҿгьы ареферендум амҩаԥгаразы абжьыҭирҭа ҭыԥқәа аартхарц.

Атәыла Ахада идҵала Леонид Ӡаԥшьба аусҭҵаарақәа ирҿнаҵы инапынҵақәа рынагӡара аанкылоуп. Абри аамҭазы уи инапынҵақәа неигӡоит аминистр актәи ихаҭыԥуаҩ Борис Абитов.

Ажәабжьқәа зегьы
0