АҞӘА, ԥхынгәы 8 – Sputnik, Роберт Џьапуа. Ареферендум аҟны абжьыҭирақәа мҩаԥысраны иҟоуп 151 алхратә ҭыԥ рҟны. Ареферендум иалахәхар ҟалоит 133 нызқьҩык ҳтәылауаа, иҳәеит ААК (ЦИК) ахантәаҩы Баҭал Табагәуа.
"Абжьыҭира мҩаԥысраны иҟоуп 151 алхратә участок рҟны 33 алхратә округ иахьрыҵаркуа", —иҳәеит Табагәуа.
Ацентртә алхратә комиссиа аиҳабы иазгәеиҭеит абиуллетенқәа азакәан ишаҳәо ала ишырхиоу. Иара иажәақәа рыла иазырхиоуп 140 –нызқь биуллетен. Ацентртә алхратә комиссиа 2016 шықәса хәажәкырамзазы аԥшьгарартә гәыԥ Ацентртә алхратә комиссиахь инарышьҭит атәыла Ахада заанаҵы еиҭалхразы ареферендум мҩаԥгазарц ашәҟәқәа.
Ԥхынгәы 1 азы атәыла Ахада Рауль Ҳаџьымба ареферендум ԥхынгәы 10 2016 шықәса рзы имҩаԥгазарц азин ҟаиҵеит.
