Ахба: аԥхынра аплиажқәа зегьы ԥкрада аус рулоит

© flickr.com / Lera ZinovevaАрхивтә фото.
Архивтә фото. - Sputnik Аҧсны
Анапаҵаҩра
Шәача ахәылԥаз асааҭ 8 инаркны ашьыжь 8 рҟынӡа аплиажқәа рҟны аҟазаареи аҽыкәабареи рзин ҟалом ҳәа адырраҭара ҟаҵан.

АҞӘА, ԥхынгәы 12 – Sputnik. Аԥсны уахынлатәи аамҭазы аплиажқәа рҟны аҟазаареи амшын аҟны аҽыкәабареи рзин шыҟац иаанхоиит, иҳәеит Аԥсны Акурортқәеи атуризми рминистр ихаҭыԥуаҩ Асҭамыр Ахба.

Шәача ахәылԥаз асааҭ 8 инаркны ашьыжь 8 рҟынӡа аплиажқәа рҟны аҟазаареи аҽыкәабареи рзин ҟалом ҳәа адырраҭара ҟаҵан.

"Аԥсны усеиԥш еиҭакра ргәы иҭам", — иҳәеит Ахба.

"Ус шакәугьы сара иазысыԥхьаӡоит аплиажқәа ирзыԥҵәоу аамҭала аус рулароуп ҳәа, избанзар ашәарҭадаратә маҵзурақәа ҽынлоуп аус аныруа", — иҳәеит аминистр ихаҭыԥуаҩ.

Ахба иажәақәа рыла аԥсшьаҩцәа адырра рыҭоуп ашәарҭадаратә маҵзурақәа русура аамҭа аганахьала.

Ажәабжьқәа зегьы
0