Очамчыра араион аҟны ацҳақәа хәба еиҭашьақәыргылоуп

© Sputnik Томас ТхайцукԤхынгәы 7-8 рзы илеиз ақәаршҩы
Ԥхынгәы 7-8 рзы илеиз ақәаршҩы - Sputnik Аҧсны
Анапаҵаҩра
НовостиTelegram
Ԥхынгәы 7-8 рзы илеиз ақәаршҩы аԥхасҭа анаҭеит Мрагыларатәи Аԥсны ахәҭа аинфраструктура.

АҞӘА, ԥхынгәы 12 – Sputnik, Бадри Есиава. Ԥхынгәы 7-8 рзы илеиз ақәаршҩы аԥхасҭа анаҭеит Мрагыларатәи Аԥсны ахәҭа аинфраструктура. Урҭ рҟынтәи ацҳақәа хәба еиҭашьақәыргылоуп, ҳәа адырра ҳаиҭеит "Аԥсныргылара" адиректор хада Игор Казанба.

"Иахьазы Очамчыра араион аҟны еиҭашьақәыргылоуп ацҳақәа хәба. Ирықәҳаз аҵлақәеи аӡы иаанагаз агәам-сами ықәгоуп", — иҳәеит иара.

Иара убасгьы иазгәеиҭеит араион аҟны ацҳақәа руак ауааԥсыра рхатәымчла аремонт азыруит ҳәа.

Казанба иажәақәа рыла ааха зауз аинфраструктура иаарласны аиҭашьақәыргыларазы апроект-сметатә документациа архиара иаҿуп.

Аиҭашьақәыргыларатә усурақәа ирылархәуп иахәҭаны иҟоу атехника, аха макьаназы аԥаразоужьра ахьыҟам иахҟьаны аусура аинтузиазм ҟазшьа амоуп, ҳәа азгәеиҭеит Казнба.

Ԥхынгәы 7-8 рзы илеиз ақәаршҩы бааԥс иахҟьаны Аҟәа ақалақьи Аҟәа араиони иара убас Аԥсны Мрагыларатәи ахәҭаҟны аӡиасқәа рыҭра ирҭыҵит, ауааԥсыра рынхарҭақәеи аинфраструктуреи аԥхасҭа рыҭан.

Ажәабжьқәа зегьы
0