Барцыц: ԥхынгәымзазы аҳауатә ҭагылазаашьа бзиоуп

© Sputnik / Саид Царнаев / Амедиаҵәахырҭахь аиасраАрхивтә фото.
Архивтә фото. - Sputnik Аҧсны
Анапаҵаҩра
НовостиTelegram
Аԥсны аҵыхәтәантәи аамҭақәа рзы илеиуа ақәақәа аҭыԥтә ҟазшьоуп еиҳарак ирымоу, иҳәеит Леуард Барцыц Sputnik Аԥсны акорреспондент диҿцәажәо.

 АҞӘА, ԥхынгәы 12 — Sputnik, Бадраҟ Аҩӡба. Аԥсны аҵыхәтәантәи аамҭақәа рзы илеиуа ақәақәа аҭыԥтә ҟазшьоуп еиҳарак ирымоу, иҳәеит Леуард Барцыц. Уи адагьы ҩцарак ыҟан иҟам, ҳәа азгәеиҭеит Барцыц.

"Абри аамҭазы иҟазшьарбагоуп ақәа алеира. Ҳара ақәа ӷәӷәа леиуашәа шаабогьы усеиԥш иҟам аҭагылазаашьа", — иҳәеит иара.

"Ақәа акәзар атәыла зегьы иахьаҵанакуа акәымкәа ҭыԥла илеиуеит. Иаҳҳәап Тҟәарчали Аҟәеи рраионқәа рҟны иазхаша ақәа леизар, Гагреи Гәдоуҭеи рраионқәа рҟны абааӡара азхом", — иҳәеит Барцыц.

Иара иажәақәа рыла уажәтәи ақәоурақәа зыхҟьаз Урыстәыла европатәи ахәҭа зымҽхазкыз ациклон ауп.

"Ациклон ҳаргьы ҳаҵанакит. Уи ауп изыхҟьаз адыд-мацәыси ақәоурақәеи. Акраамҭатәи ақәаршыҩқәа ыҟамызт иара убасгьы аӡқәа рацәаны ихыҵит ҳәа узҳәом", ҳәа азгәеиҭеит иара.

Леуард Барцыц иазгәеиҭеит сынтәатәи аԥхынра ӡысаамҭаны ишыҟам. Ақәоура маҷк еиҳа арацәара адунеитә океан ашьҭыҵроуп изыхҟьо ҳәа.

Ажәабжьқәа зегьы
0