АҞӘА, ԥхынгәы 14 – Sputnik, Бадри Есиава. Аԥсны иалганы ирго арасазы аҳәынҭқарратә баџь еиҵатәуп 25 мааҭ инаркны 10 мааҭк рҟынӡа (ацәа зхоу), 35 мааҭ инаркны 15 мааҭ рҟынӡа (игәылху). Абри аҩыза аӡбра рыдыркылеит Аԥсны Аминистрцәа Реилазаара аԥшьаша, ԥхынгәы 14 рзы имҩаԥысыз изаамҭанытәиу аилатәараҟны.
Нанҳәа 31-нӡа арасазы абаџь ларҟәызарц ажәалагала ҟаиҵеит Аԥыза-министр ихаҭыԥуаҩ Дмитри Сериков.
"Араса сезонтә тауаруп. Ишазыԥхьагәаҳҭоу ала сынтәа иара еиҳа ирацәахароуп. Убри азы кварталцыԥхьаӡа ахәԥсақәа ирызхьаԥшлатәуп, еиҭаклатәуп", — иҳәеит иара.
Аԥыза-министр Артур Амқәаб иазгәеиҭеит ахәԥса аҭышәныртәалара адагьы иаҿагылалатәуп закәандарыла иара аҳәаа ахыгарагьы.
Аҳәынҭқарратә баџь аиҵатәразы аӡбра еицҿакрыла ирыдкылан.
