Титель: "Медеиа" еиԥшу Аԥсны иҟамлац

© SputnikАлександр Титель аԥшьаша имҩаԥысыз авидеоеимадараҿы.
Александр Титель аԥшьаша имҩаԥысыз авидеоеимадараҿы. - Sputnik Аҧсны
Анапаҵаҩра
Хьыбла Гьерзмааԥҳа лиубилеитә фестиваль аҟны асцена лырлашоит колхаа раҳкәажә Медеиа лхаҿрала. Афестиваль мҩаԥысраны иҟоуп Диоскураа рыԥшаҳәаҟны, нанҳәамза 3-4 рзы.

АҞӘА, ԥхынгәы 15 – Sputnik, Бадри Есиава. Александр Титель аԥшьаша имҩаԥысыз авидеоеимадара Аҟәа-Москва аҟны иҳәеит: "Медеиа" еиԥшу Аԥсны иҟамлац.

"Уаанӡа иҟамлацызт аспектакль зегьы — алахәылацәа, ахор, адекорациақәа, аоркестр ацны арахь иаауа. Ари даара хҭыс дууп", иҳәеит Титель.

Александр Титель иазгәеиҭеит ажәытә бырзен миф, Иазони аргонавтцәеи ирызку ахьымҩаԥысуа Амшын Еиқәа аҿықә аҿоуп ҳәа.

Хьыбла Гьерзмааԥҳаи Александр Тители ахә ҳаракны иршьеит аҳәынҭқарра иҟанаҵаз афинанстә лагала.

Афестиваль ҩ-программак рыла еиҿкаауп. Актәи амш аҽны афестиваль аҭааҩцәа ирылшоит аоператә спектакль "Медея" (Луиджи Керубини, ақәыргылаҩ — Александр Титель) абара, аҩбатәи амш азы аџьазтә пианист Даниил Крамери итрио "Опера. Джаз. Блюз" дрыцықәгылоит Хьыбла Гьерзмааԥҳа.

Жәларбжьаратәи афестиваль "Хьыбла Гьерзмааԥҳа шәаалыԥхьоит…" еиҿкаан 2001 шықәса рзы, Аԥсны имҩаԥысуан. 2014 шықәса рзы Москва, К. С. Станиславскии В. И. Немирович-Данченкои рыхьӡ зху Амузыкатә театр аҟны имҩаԥысит. 2015 шықәса рзы XIV афестиваль Вена, Музикфераин азал аҟны имҩаԥган. 2016 шықәса рзы – Швеицариа, Санкт-Морице.

Ажәабжьқәа зегьы
0