Стокгольмнтәи араӡын медал Аԥсныҟа иааргеит

© Фото : http://profc.com.ua/Стокгольм имҩаԥысуаз Европа ачемпионат.
Стокгольм имҩаԥысуаз Европа ачемпионат. - Sputnik Аҧсны
Анапаҵаҩра
НовостиTelegram
Инал Џьопуа 63 килограмм иҟоу акатегориаҟны дықәгыланы аиԥыларақәа хәба мҩаԥигеит. Урҭ рҟынтәи ԥшьба диааиит, акы аҟны Ермантәылатәи аспортсмен аԥыжәара игеит.

АҞӘА, ԥхынгәы 26 – Sputnik, Бадраҟ Аҩӡба. Азербаиџьантәи еизгоу акоманда ахьӡала иқәгылоз Инал Џьапуа Стокгольм имҩаԥысуаз Европа ачемпионат аҟны араӡын медал игеит. Ачемпионат мҩаԥысуан ԥхынгәы 19 —22 рзы. Абри атәы Sputnik акорреспондент изеиҭеиҳәеит аспортсмен иазыҟаҵаҩ Ҭимур Џьапуа.

"1999 шықәса рзы ииз Инал Џьапуа 63 килограмм иҟоу акатегориаҟны дықәгыланы аиԥыларақәа хәба мҩаԥигеит. Урҭ рҟынтәи ԥшьба диааиит, акы аҟны Ермантәылатәи аспортсмен аԥыжәара игеит", — иҳәеит азыҟаҵаҩ.

Егьи аԥсуа спортсмен Даур Псардиа иакәзар 68 килограмм иҟоу ркатегориаҟны дықәгылон.

Ҭимур Џьапуа ишиҳәаз ала аспортсменцәа рҩыџьагьы сынтәа инаркны Азербаиџьан еизгоу акоманда иалахәны иқәгылалоит.

Аспортсменцәа зых иақәиҭу ақәԥаразы адунеи ачемпионат иалахәхараны иҟоуп.

Ажәабжьқәа зегьы
0