АҞӘА, ԥхынгәы 27 – Sputnik. Аԥсны Аԥыза-министр Артур Амқәаб арзаҳал иҩит инапынҵақәа шышьҭеиҵо азы. Аԥыза-министр инапынҵақәа рынагӡара идҵоуп Аԥыза-министр актәи ихаҭыԥуаҩ Шамил Аӡынба.
Абри атәы аанацҳаит Аминистрцәа Реилазаара аофициалтә саит.
Уаанӡа атәыла Ахада Рауль Ҳаџьымба Адҵа инапы аҵаиҩит Артур Амқәаб имаҵураҟынтәи ихы дақәиҭтәызарц, аҵыхәтәантәи ихатәы рзаҳал инақәыршәаны.
