АҞӘА, ԥхынгәы 27 – Sputnik, Бадраҟ Аҩӡба. Аԥсны Жәлар Реизара аилатәараҟны аҩбатәи, аҵыхәтәантәи аԥхьарала аԥсахрақәа алагалан "Аԥсны Аҳәынҭқарра аҳаҭыртә хьыӡқәеи аҳамҭақәеи рзы" азакәан. Иара инақәыршәаны ареспубликаҟны аҳаҭыртә хьыӡқәа рыхҵахалоит ақыҭанхамҩеи атуризми русхк аҟны аусзуҩцәа.
Аԥшьгара ҟаиҵеит адепутат Аполлон Гәыргәлиа. Иара иазгәеиҭеит акурорттә усхк активла аҿиара иаҿуп, аҳаҭыртә хьыӡқәагьы уи аусхк аҟны ҽазышәала аусура иацхраауеит ҳәа.
Адепутат Валери Кәарҷиа дҵааит "Ақыҭанхамҩаҿ ҳаҭыр зқәу аусуҩ" ҳәа ахьӡ абанӡашьаҭарку, иара ақыҭанхамҩа иахьазы ишьҭаханы иҟазар ҳәа.
"Ииашоуп, иахьазы аҭагылазаашьа ус иҟоуп, аха агәыӷра ҳамоуп уи аҽаԥсахып ҳәа", — иҳәоит Гәыргәлиа.
Аԥсны Жәлар Реизара аилатәараҟны аҩбатәи, аҵыхәтәантәи аԥхьарала аԥсахрақәа алагалан "Аԥсны Аҳәынҭқарра аҳаҭыртә хьыӡқәеи аҳамҭақәеи рзы" азакәан.
