АҞӘА, ԥхынгәы 29 – Sputnik, Бадри Есиава. Аԥсны Аминистрцәа Реилазаара ибзиоуп ҳәа иаднакылеит Аԥсны Аҳәынҭқарреи Боливариантәи Ареспублика Венесуелеи рнапхгара рыбжьара акультура аусхк аҟны аусеицуразы Аиқәшаҳаҭра апроект.
"Аԥсны Аҳәынҭқарреи Боливариантәи Ареспублика Венесуелеи рнапхгара рыбжьара акультура аусхк аҟны аусеицуразы Аиқәшаҳаҭра апроект афинансқәа рминистрреи, аиустициа аминистрреи, акультура аминистрреи рақәшаҳаҭрала еиҿкаауп", — иҳәеит Адәныҟатәи аусқәа рминистр ихаҭыԥуаҩ Кан Ҭаниа.
Аиқәшаҳаҭра апроект иазыԥхьагәанаҭоит атәылақәа рыҟны иазыԥхьагәаҭоу жәларбжьаратәи аконференциақәа, аконкурсқәа, атеатртәи амузыкатәи фестивальқәа рганахьала аинформациа аимадара.
Боливариантәи Аеспублика Венесуела Аԥсни Аахыҵ Уаԥстәылеи азханаҵеит цәыббра 10 2009 шықәса рзы. Аԥсни Аахыҵ Уаԥстәылеи азхазҵаз ахԥатәи ҳәынҭқарроуп Урыстәылеи Никарагуеи рышьҭахь.
