Аԥснытәи аҳақьымцәа аттестациа еиҭахысроуп

© Sputnik / Томас ТхайцукАреспубликатә хәышәтәырҭа.
Ареспубликатә хәышәтәырҭа. - Sputnik Аҧсны
Анапаҵаҩра
Аԥсны агәабзиарахьчара аминистр Андзор Гоов алаҳәара ҟаиҵеит Аԥснытәи аҳақьымцәа хымԥадатәи аттестациа еиҭахысроуп ҳәа.

АҞӘА, нанҳәа 3 – Sputnik, Бадраҟ Аҩӡба. Аԥсны агәабзиарахьчара аминистр Андзор Гоов иҳәеит Аԥснытәи аҳақьымцәа хымԥадатәи аттестациа еиҭахысроуп, ҳәа ареспублика Башкортостан ахирургцәа Рассоциациа аиҳабы Вил Тимербулатов даниԥылоз.

"Виль Мамил-иԥа Уфантәи дааит. Аԥсны аӡбахә бзианы идыруеит. Аибашьра ашьҭахь ҳастудентцәа аҵара иахьахысуаз аиҳарак Башкортостани Ҟабарда-Балкариеи рҟноуп. Арҭ аҩ-регионк иҟарҵаз ацхыраара ахәшьара уадаҩуп", — иҳәеит аминистр.

Андзоа Гоов иажәақәа рыла аганқәа алацәажәеит Аԥсны амедицина аҿиара.

"1995 шықәса инаркны Башкортостани Аԥсни рыбжьара аиқәышаҳаҭрала Аԥсназы амедицинатә кадырқәа аздырхион. Ҳара есышықәса иҳадаҳкылон 10-15-ҩык астудентцәа", — иҳәеит ареспублика Башкортостан ахирургцәа Рассоциациа аиҳабы Вил Тимербулатов.

Иара убасгьы иҳәеит аҳақьымцәа хәышықәса рахь знык аккредитациа иахысыр шакәу.

Аԥсны аҳақьымцәа рҟазара аизырҳара аҳәаақәа ирҭагӡаны Уфантәи Аԥсныҟа азанааҭуаа аалоит, амастер-классқәеи асеминарқәеи мҩаԥыргалоит.

Ажәабжьқәа зегьы
0