АҞӘА, нанҳәа 8 — Sputnik. 4,8 змагнитуда ыҟоу адгьылҵысра ҟалеит Украина, Мариуполь иахьаҵанакуа. Иара ахҟьаԥҟьақәа рнырит Ростовтәи аобласт аҿгьы.
"Асеисмостанциақәа иазгәарҭеит 4,8 змагнитуда ыҟоу адгьылҵысра ҟалеит Украина, Мариуполь иахьаҵанакуа. Иара ахҟьаԥҟьақәа рнырит Ростовтәи аобласт аҿгьы. Аобласт ауааԥсыра рҟынтәи 300 рҟынӡа ҭеласра рыдыркылеит Аҭагылазаашьа ҷыдақәа рмаҵзурауаа", — иҳәеит апресс- маҵзура ахаҭарнак.
Иара иазгәеиҭеит адгьылҵысра хҟьаԥҟьак шахылымҿиааз, ааха заузгьы уаҩ дшыҟам.
